Ջոնսոնը հոսպիտալացվել է, նրան թոքերի արհեստական օդափոխման սարքին կմիացնեն․РИА

Մեծ Բրիտանիայի վարչապետ Բորիս Ջոնսոնը կենթարկվի թոքերի արհեստական օդափոխության։ Այս մասին РИА Новости-ին հայտնել է Անգլիայի առողջապահության ազգային համակարգի ղեկավարությանը մոտ աղբյուրը։

«Ջոնսոնը հրատապ հոսպիտալացվել է, նա կենթարկվի թոքերի արհեստական օդափոխության»,-ասել է գործակալության աղբյուրը։

Ավելի վաղ վարչապետի պաշտոնական ներկայացուցիչը հայտնել էր, որ Ջոնսոնը, ում առողջական խնդիրները՝ բարձր ջերմությունն ու հազը դեռևս պահպանվում են, բուժող բժշկի խորհրդով տեղափոխվել է հիվանդանոց։ Դաունինգ-սթրիթում վստահեցրել են, որ Ջոնսոնը շարունակում է գլխավորել կառավորությունը և կապի մեջ է նախարարների կաբինետի հետ։

Այն մասին, որ Ջոնսոնը վարակվել է COVID-19-ով, հայտնի էր դարձել մարտի 27-ին։


 

Քաղաքականություն

Պատահարներ