Հրդեհ երևանյան բնակարաններից մեկում. դեպքի վայր է մեկնել երկու մարտական հաշվարկ
ԱԻՆ-ը տեղեկացնում է, որ մարտի 27-ին, ժամը 23:55-ին Ճգնաժամային կառավարման ազգային կենտրոն ահազանգ է ստացվել, որ Երեւանի Սասունցի Դավիթ փողոցի թիվ 70/2 շենքի բնակարաններից մեկում պայթյունի ձայն է լսվել, նկատվում է ծուխ:
Դեպքի վայր են մեկնել ԱԻՆ ՓԾ Երեւանի փրկարարական վարչության հրշեջ-փրկարարական ջոկատներից երկու մարտական հաշվարկ:
Պարզվել է, որ բնակարանում հրդեհ է բռնկվել:
Հրդեհը մեկուսացվել է ժամը 00:19-ին, մարվել՝ 00:25-ին: Այրվել են երկու բազկաթոռ, մեկ ներքնակ, երկտեղանի մահճակալ, վնասվել են հյուրասենյակի եւ ննջասենյակի պատուհանների ապակիները:
Պայթյունի նշաններ չեն հայտնաբերվել:
