#Մնա_տանը. արտակարգ դրություն է. Թբիլիսիի հայկական թատրոնն առաջարկում է դիտել օնլայն տարբերակները
Թբիլիսիի հայկական պետական դրամատիկական թատրոնը միացել է Վրաստանում հայտարարված արտակարգ դրության պայմաններում՝ տնից դուրս չգալու կոչին, հայտնում է «Ալիք Մեդիան»:
Թատրոնն առաջարկում է տարբեր ժամանակներում բեմադրված ներկայացումների օնլայն տարբերակները: Հանդիսատեսի դատին է հանձնվել Նոդար Դումբաձեի հայտնի «Մեղադրական եզրակացություն»-ը, ռեժիսորը թատրոնի գեղարվեստական ղեկավար Արմեն Բայանդուրյանն է:
Այս ներկայացումը ադամյանցիները խաղացել են նաև վրացերենով՝ առաջին անգամ թատրոնի պատմության մեջ:
Առաջիկայում համացանցում կհայտնվեն այլ ներկայացումներ՝ թատրոնի հարուստ տեսաֆոնդից:
