ՏՄՊՊՀ-ն հետևում է բենզինի շուկայի գներին
ՀՀ տնտեսական մրցակցության պաշտպանության հանձնաժողովն ուշադրության կենտրոնում է պահում բենզինի շուկայում: ՀՀ կառավարություն հրավիրված ասուլիսում այս մասին նշեց ՏՄՊՊՀ նախագահ Գեղամ Գևորգյանը:
«Բենզինի գնի հետ կապված այս պահին վարույթ ունենք: Դրսում բենզինի գնի նվազում է ակնկալվում, և դրանից հետո որոշ ժամանակ անց դա պետք է Հայաստանի վրա անդրադառնա: Հիշեցնեմ, որ նավթի գինը բենզինի ինքնարժեքի մեջ կազմում է 5-10 տոկոս: Այնպես որ, նավթի գնի 30 տոկոսով անկումը կարող է մոտավորապես 3 տոկոսի ազդեցություն ունենալ բենզինի վրա: Ամեն դեպքում, կարծում եմ, շուտով հայտարարություն կանենք բենզինի գնի կանխատեսումների հետ կապված՝ դեպի նվազում»,-ասաց Գեղամ Գևորգյանը:
