Ուկրաինան ամբողջովին դադարեցնում է օդային հաղորդակցությունը

Կորոնավիրուսի սպառնալիքների պատճառով, մարտի 17-ին, Ուկրաինան ամբողջովին դադարեցնում է օդային հաղորդակցությունը: Այս մասին հայտարարել է Ուկրաինայի նախագահ Վլադիմիր Զելենսկին ՝ երկրի քաղաքացիներին ուղղված հատուկ տեսաուղերձում: Զելենսկին արտերկրում գտնվող ուկրաինացիներին կոչ է արել երեք օրվա ընթացքում վերադառնալ հայրենիք: 
Հիշեցնեմ՝ երեկ հայտարարվեց, որ 48 ժամից Ուկրաինան կորոնավիրուսի պատճառով փակելու է մուտքն այլ երկրի քաղաքացիների համար: 
Հայատարարություն եղավ, որ Ուկրաինայի քաղաքացիները, որոնք արտասահմանում են, հնարավորություն կստանան վերադառնալ հայրենիք: Ուկրաինացիներին իշխանությունը կոչ արեց հրաժարվել արտասահմանյան ուղևորություններից և հնարավորության դեպքում սահմանափակել տեղաշարժը նաև երկրի ներսում: 

Հ.Գ Վերջին տվյալների համաձայն աշխարհում կորոնավիրոսով վարակվածների թիվն ավելի քան 130 000 է: Շատերն արդեն բուժվել են, բայց ավելի քանի  5 000 մարդ մահացել է: Չինաստանում 2 օր առաջ հայտարարեցին, որ այս վարակը սկսում է նահանջել, սակայն այդ ընթացքում մահացել է 3.189 մարդ, առողջացել՝ 65.500-ը: