ՏԵՍԱՆՅՈՒԹ․ Դիանա Գրիգորյանը՝ Էջմիածին ժամանած մեծ թվով շտապօգնության մեքենաների մասին
Այս պահին քաղաքում առկա շտապ օգնության մեքենաները չեն ժամանել որևէ ահազանգի կամ դեպքի առիթով, այլ ժամանել են, որպեսզի իրենց ցուցակով կորոնավիրուսով վարակված անձի հետ սերտ շփում ունեցած անձանց և նրանց ընտանիքի անդամներին մեկուսացնեն՝ թեստավորելու և մնացած ստուգումներն անելու նպատակով։ Այս մասին ուղիղ եթերի ընթացքում ասաց Էջմիածնի քաղաքապետ Դիանա Գասպարյանը։ Նա տեղեկացրեց, որ վարակակիրը բուժում է անցնում «Նորք» Ինֆեկցիոն հիվանդանոցում։ «Ամեն դեպքում նրա վիճակը ծանր չէ, նորմալ ինքնազգացողություն ունի»,-ասաց Գասպարյանը՝ անդրադառնալով քաղաքում առկա խուճապային տրամադրություններին, որ ստեղծվել էր այն բանից հետո, երբ պարզվեց, որ վարակված քաղաքացիներից մեկը Էջմիածնի քաղաքացի է։
Հիշեցնենք, որ առավոտյան շտապօգնության մի շարք մեքենաներ ժամանել են Էջմիածին։
