ՈՒՂԻՂ. Կորոնավիրուսի վարակման 18 հաստատված դեպք կա. Փաշինյան

Այս պահին Հայաստանում նոր տեսակի կորոնավիրուսով վարակման 18 դեպք կա: Վարակը գրանցվել է արդեն իսկ մեկուսացված անձանց մոտ, ինչն ըստ Փաշինյանի լավ տեղեկություն է:  

Առաջին պացիենտը, որի մոտ կորոնավիրուս էր հայտնաբերվել, այսօր կրկին թեստ է հանձնել և պատասխանը բացասական է եղել, վարչապետի խոսքով՝ եթե երկրորդ անգամ թեստի պատասխանը բացասական գա, ապա կարելի է համարել, որ նա ապաքինվել է:  

Վարչապետը գնահատանքի խոսքեր է ասել Իրանից ժամանած առաջին վարակակիր հայաստանցուն, քանի որ վերջինս հետևել է բժիշկների ղցուցումներին և տաքություն ունենալուն պես դիմել բուժօգնության: 

Նա նշել է, որ այս պահին 200 մարդ կա մեկուսացված, ինչը լավ է, սակայն 100 տոկոսով վստահ լինել, որ շփման ողջ շրջանակը հայտնաբերվել է,  պարզապես հնարավոր չէ:  

Այդ պատճառով Փաշինյանը Էջմիածնի բնակիչներին հորդորեց ինքնամեկուսանալ, հատկապես նրանց, որքոնք այս կամ այն կերպ շփվել են հայտնի նշանդրեքի մասնակիցների հետ, բացի դա՝ տաքություն ունենալու դեպքում շտապ դիմել իրավապահ մարմիններին: