Ազատության պողոտայում իրար են բախվել BMW և Nissan X-Trail մակնիշի մեքենաները
Այսօր՝ մարտի 12-ին, ավտովթար է տեղի ունեցել Երևանում: Ժամը 13:00-ի սահմաններւոմ Ազատության պողոտայում՝ «Հաղթանակ» զբոսայգու հարևանությամբ, բախվել են BMW մակնիշի 20 TO 055 համարանիշի և Nissan X-Trail մակնիշի 54 PO 054 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան:
Բախման հետևանքով Nissan X-Trail-ը մասամբ հայտնվել է կանաչ գոտում: Օպերատիվորեն դեպքի վայր են ժամանել Երևանի ճանապարհային ոստիկանության ծառայողներն ու ապահովագրական ընկերություների ներկայացուցիչները: Ճանապարհային ոստիկանությունը պարզում է վարորդների ինքնությունը:
