Արմեն Թավադյանի և Վարուժան Մկրտչյանի գործն ուղարկվել է Դատախազություն

«5-րդ ալիք» ՀԸ սեփականատեր Արմեն Թավադյանի և գործով մյուս մեղադրյալ Վարուժան Մկրտչյանի վերաբերյալ քրեական գործը՝ մեղադրական եզրակացությամբ, ուղարկվել է Դատախազություն՝ հաստատման։ Այս մասին լրատվամիջոցներին հայտնել են ՀՔԾ-ից։ 

Հիշեցնենք, որ Արմեն Թավադյանը մեղադրվում է «Մարտի 1»-ի գործով տուժողներից մեկին կաշառելու մեջ, որպեսզի վերջինս դատարանում սուտ ցուցմունք տա։ Նրա դեմ ցուցմունք է տվել Ռ.Քոչարյանի մեկ այլ ենթադրյալ աջակից՝ Վ.Մկրտչյանը, որին նախ ձերբակալել էին, այնուհետև ազատ արձակվել։ Ընդ որում նա նույնպես մեղադրվում է ՀՀ քրեական օրենսգրքի 340-րդ հոդվածի 4-րդ մասի 1-ին կետով,  սակայն նրան կալանավորելու միջնորդություն ՀՔԾ քննիչը չի ներկայացրել։