Արմավիրում Nissan-ը բախվել է գազատար խողովակին և հայտնվել ձորակում. կա վիրավոր
Այսօր՝ մարտի 10-ին, խոշոր ավտովթար է տեղի ունեցել Արմավիրի մարզում։ Ժամը 09։30-ի սահմաններում Սյունիքի մարզի բնակիչ՝ 37-ամյա Վոլոդյա Մ-ն` իր վարած Nissan Tiida մակնիշի 35 QZ 220 համարանիշի ավտոմեքենայով, Արմավիր-Երևան ավտոճանապարհի 8-րդ կմ հատվածում, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել գազատար խողովակին և գլխիվայր շրջվելով՝ հայտնվել ձորակում՝ բախվելով շինության պատին։ Վթարի հետևանքով վարորդ Վոլոդյա Մ-ն մարմնական վնասվածքներով տեղափոխվել է «Մեծամոր» բժշկական կենտրոն, հայտնում է shamshyan.com-ը։
Ըստ փորձաքննության արդյունքների՝ վարորդը եղել է սթափ։ Փաստի առթիվ նյութեր են նախապատրաստվում։
