Կրաշեն գյուղում հրդեհ է բռնկվել
Մարտի 9-ին, ժամը 17:39-ին Ճգնաժամային կառավարման ազգային կենտրոն ահազանգ է ստացվել, որ Շիրակի մարզի Կրաշեն գյուղում այրվում է անասնակեր:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ Կրաշեն գյուղի 6-րդ փողոցի տներից մեկի բակում այրվում է կուտակած անասնակեր:
Հրդեհը մեկուսացվել է ժամը 18:12-ին, մարվել՝ 18:59-ին: Այրվել է 150 հակ կուտակած անասնակեր:
