Վթար Ավանում. 20-ամյա աղջիկը տեղափոխվել է հիվանդանոց
Մարտի 6-ին, ժամը 16:56-ին Ճգնաժամային կառավարման ազգային կենտրոն ահազանգ է ստացվել, որ Երևանի Ավան վարչական շրջանի 6-րդ փողոցի թիվ 9 տան մոտ տեղի է ունեցել ՃՏՊ, կա տուժած:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Ավան 6-րդ փողոցի թիվ 5 տան մոտակայքում «Toyota Camry» մակնիշի ավտոմեքենան բախվել է կայանած «Opel Astra G» մակնիշի ավտոմեքենային: «Toyota Camry» մակնիշի ավտոմեքենայի վարորդ Ջուլիետա Ղ.-ն (ծնված 2000 թ.) հոսպիտալացվել է «Սուրբ Գրիգոր Լուսավորիչ» ԲԿ:
Մինչ փրկարարների դեպքի վայր հասնելն ավտոմեքենան հոսանքազրկվել է:
