Գյումրիում ոստիկանության աշխատակիցը վրաերթի է ենթարկել հետիոտնին
Մարտի 5-ին, վրաերթ է տեղի ունեցել Շիրակի մարզում։ Ժամը 07։30-ից 08։00-ն ընկած ժամանակահատվածում Շիրակի մարզի բնակիչ Արման Սարգսյանը իր վարած «ԳԱԶ 3102» մակնիշի 13 ՕՕ 609 համարանիշի ավտոմեքենայով Գյումրի քաղաքի Գարեգին Նժդեհի փողոցի «OK» սուպերմարկետի դիմաց վրաերթի է ենթարկել տղամարդ հետիոտնի։ Ինչպես հայտնում է shamshyan.com-ը, վրաերթի ենթարկվածը տեղափոխվել է Գյումրիի բժշկական կենտրոն։
Ա. Սարգսյանն աշխատում է ոստիկանության Ախուրյանի բաժնի քրեական հետախուզության բաժանմունքում՝ որպես ավագ օպերլիազոր։ Ոստիկանությունն ու քննչական վարչությունը պարզում են վիրավորի ինքնությունը, ով, ըստ նախնական տեղեկությունների, գտնվում է ծանր կայուն վիճակում։
