Լոռու մարզում պայթել է Նովոսելցովո ջրատարը. ջուրը քշել է միջպետական ճանապարհի ասֆալտի մի հատված. «ՀԺ»

Այսօր՝ Լոռու մարզում, ժամը 17-ի սահմաններում Վանաձոր-Ալավերդի-Բագրատաշեն-Վրաստանի սահման ավտոճանապարհին՝ Վահագնաձոր գյուղի տարածքում, կրկին պայթել է Վանաձոր քաղաքին եւ մի շարք համայնքներ սնուցող Նովոսելցովո ջրատարը:

Հայկական Ժամանակ-ի թղթակիցը դեպքի վայրից հաղորդում է, որ վթարի հետեւանքով ջրի ճնշումը պոկել, քշել է միջպետական ճանապարհի ասֆալտի մի հատված՝ ճանապարհը դարձնելով միակողմանի:

Տեղում այս պահին աշխատում են «Վեոլիա ջուր» ընկերության վթարավերականգնողական խմբերը, Ճանապարհային ոստիկանությունը, փրկարարներ: 

Միջպետական ճանապարհն այս փակվել է բեռնատարներ համար: Նկատենք, որ վերջին օրերին սա 2-րդ լուրջ վթարն է տվյալ ջրատարի վրա, ինչի հետեւանքով լուրջ վնաս է կրում վերջերս կապիտալ նորոգված Վանաձոր-Ալավերդի միջպետական ճանապարհը:

Լուսանկարները՝ Հայկական Ժամանակ-ի 

[dfbfcf93d78c92d01ace025731b877fd.jpg]