Մարտի 1-ի զոհերի հիշատակին նվիրված երթը չեղարկվեց
Մարտի 1-ի զոհերի հիշատակին նվիրված երթը որոշվել է չեղարկվել: Այս մասին իր ՖԲ էջում պաշտոնական հայտարարություն է տարածել Քաղաքացիական պայմանագիր» կուսակցության վարչությունը:
«Հարգելի՛ հայրենակիցներ, «Քաղաքացիական պայմանագիր» կուսակցության վարչությունը որոշում կայացրեց չեղարկել Մարտի 1-ի զոհերի հիշատակին նվիրված երթը՝ կապված Հայաստանում գրանցված կորոնավիրուսով հիվանդացության առաջին դեպքի հետ։
Ստեղծված իրավիճակում առաջնային է Առողջապահության նախարարության հորդորներին հետևելը և կանխարգելիչ բոլոր միջոցառումների ձեռնարկումը։
Կոչ ենք անում պահպանել հանգստություն և վստահել միայն պաշտոնական աղբյուրներից տրվող տեղեկատվությանը։
«Քաղաքացիական պայմանագիր» կուսակցության վարչություն»:
