Արցախում քաղաքացին ավտոմեքենայով հարվածել է ՃՈ ավտոմեքենաներին և դիմել փախուստի
Արցախի հանրապետության ոստիկանության ֆեյսբուքյան էջից տեղեկանում ենք, որ փետրվարի 29-ին, ժամը 00:25-ի սահմաններում «ՎԱԶ-2114» մակնիշի ավտոմեքենայի վարորդ, Ստեփանակերտ քաղաքի բնակիչ Մ. Գ.-ն, չենթարկվելով ԱՀ ոստիկանության ճանապարհային ոստիկանության ծառայողի՝ ավտոմեքենան կանգնեցնելու մասին օրինական պահանջին, Ստեփանակերտ քաղաքի Ազատամարտիկների փողոցի թիվ 35 շենքի դիմաց դիտավորությամբ հարվածել է ԱՀ ոստիկանության ՃՈ-ի «Հունդայի» մակնիշի ավտոմեքենային, այնուհետև հարվածել «Տոյոտա Կորոլլա» մակնիշի ավտոմեքենային և դիմել փախուստի:
«ՎԱԶ-2114» մակնիշի ավտոմեքենան հայտնաբերվել է Ազատամարտիկների-Վ. Մամիկոնյան փողոցների խաչմերուկում:
Մ. Գ.-ն բերվել է ԱՀ ոստիկանության Ստեփանակերտ քաղաքի վարչություն: Վերջինս ավտոմեքենան վարում էր առանց վարորդական իրավունքի:
