Սոթքի հանքի մոտ բեռնատարները հայտնվել են կողք-կողքի՝ փակելով երթեւեկությունը
Հայաստանի ԱԻՆ-ում, այսօր՝ փետրվարի 20-ին, ժամը 04:46-ին Ճգնաժամային կառավարման ազգային կենտրոն ահազանգ է ստացվել, որ Սոթք-Քարվաճառ ավտոճանապարհին՝ Սոթքի հանքի մոտակայքում, երկու բեռնատար մերկասառույցի պատճառով չեն կարողանում շարունակել ընթացքը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի հենակետից մեկ մարտական հաշվարկ:
Պարզվել է, որ բեռնատարները մերկասառույցի պատճառով հայտնվել են կողք-կողքի՝ փակելով երթեւեկությունը, ինչի արդյունքում խցանման մեջ է հայտնվել մոտ 50 ավտոմեքենա:
Փրկարարները եւ ՃՇՇ աշխատակիցները հատուկ տեխնիկայի օգնությամբ բեռնատարն ուղղել են:
