Ryanair-ն ներկայացրել է Երևանի զբոսաշրջային հնարավորությունները
ՀՀ զբոսաշրջության կոմիտեի աջակցությամբ Հայաստան է այցելել Ryanair բյուջետային ավիաընկերության մեդիա թիմը։ Այցի առաջին տպավորությունները ներկայացվել են «Վարդագույն քաղաք Երևան. հայկական մշակույթը, բարձրորակ խոհանոցն ու ուշագրավ պատմությունը» հոդվածում։
Դրանում հիշատակվում են Երևանի մշակութային վայրերը, թանգարաններն ու Մատենադարանը, ինչպես նաև ազգային սննդի կետերը և այցելությունների հետաքրքիր վայրերը։
Հիշեցնենք, որ ընկերությունը դեպի Երևան չվերթներ է իրականացնում Հռոմից և Միլանից, Բեռլինից, Սալոնիկից ու Կիպրոսի Պաֆոս քաղաքից։
