20000 դոլարի ոսկյա զարդեր և մոտ 2000 ԱՄՆ դոլար. թալանել են հայտնի ձեռներեցի բնակարանը
Խոշոր չափի գողություն է տեղի ունեցել Լոռու մարզում: Վանաձոր քաղաքի ոստիկանության Բազումի բաժին է դիմել Վանաձոր քաղաքի Իսահակյան փողոցի բնակիչ, 52-ամյա Արիստակես Ալեքյանը և հայտնել, որ անհայտ անձը կամ անձինք, մուտքի դռան փականը հարմարեցված բանալիով բացելու միջոցով մուտք են գործել բնակարան և ննջասենյակի պահարանի միջից գողացել մետաղական չհրկիզվող պահարանը:
Shamshyan.com-ից տեղեկանում ենք, որ տուժած Ա. Ալեքյանն իրավապահներին հայտնել է, որ չհրկիզվող պահարանում եղել են մոտ 20000 դոլար արժողությամբ ոսկյա զարդեր և մոտ 2000 ԱՄՆ դոլար:
Փաստի առթիվ Լոռու մարզային քննչական վարչությունում հարուցվել է քրեական գործ: Շամշյանի տեղեկություններով՝ Ա. Ալեքյանը Վանաձորում հայտնի է որպես անհատ ձեռներեց:
