Մեքենայի 1 համարանիշի բացակայության համար պատիժը նվազեցվեց
Ազգային ժողովի այսօրվա քվեարկությամբ ընդունվեց իմքայլական Գևորգ Պապոյանի առաջարկած նախագիծը, որով մեղմացվում է պատիժը ավտոմեքենայի պետհամարանիշներից մեկի բացակայության դեպքում։ Օրենքն ընդունվեց երկրորդ ընթերցմամբ և կուղարկվի նախագահի ստորագրմանը։
Գործող կարգավորումով՝ պետհամարանիշներից թեկուզ մեկի բացակայության դեպքում վարորդը 1 տարի զրկվում է վարելու իրավունքից։ Իսկ նոր կարգավորումը սահմանում է, որ այդ դեպքում վարորդը զրկվում է 2 բալից ու վճարում 20 հազար դրամ տուգանք։
