ԲՀԿ-ն «այո»-ի, թե՞ «ոչ»-ի ճամբարում է․ մանրամասնում է Գագիկ Ծառուկյանը

ԱԺ «Բարգավաճ Հայաստան» խմբակցության ղեկավար Գագիկ Ծառուկյանը խորհրդարանում պատասխանում է լրագրողների հարցերին։

«Հանրաքվեի գաղափարին մենք կողմ ենք եղել։ Միքայել Մելքումյանը ելույթ ունեցավ, ասեց մեր տեսակետը, որ պատրաստ ենք 24-ժամյա աշխատանքի, որ լիարժեք քննարկենք, իրավական կողմը պահենք, լրագրողների հետ զրույցում ասաց ԲՀԿ ղեկավար Գագիկ Ծառուկյանը։

Սպասում էինք արձագանքի։ Որ արձագանք չեղավ, դրա համար էլ մենք չմասնակցեցինք քվեարկությանը», - ասաց նա։

Հարցին՝ ԲՀԿ-ն «այո»-ի, թե «ոչ»-ի ճամբարում է լինելու, Ծառուկյանը պատասխանեց, որ ամեն ինչ պարզ կլինի քաղխորհրդի նիստից հետո։

«Մեզ մոտ միաձայն չէ, կքննարկենք և մեր տեսակետը կհայտնենք», - նշեց ԲՀԿ ղեկավարը։