Թաիլանդում զինծառայողը 12 մարդ է սպանել և 16 հոգու պատանդ վերցրել
Թաիլանդում Նախոն Ռաչասիմա քաղաքում զինծառայողը կրակ է բացել մարդկանց ուղղությամբ։ Այս պահին հայտնի է, որ զինծառայողի անունը Չակրապանտ Տհոմա է եւ նա գտնվում է տեղի առեւտրի կենտրոններից մեկում: Նա նաեւ 16 մարդու պատանդ է վերցրել: Սկզբում նա սպանել է իր հրամանատարին եւ զինվորական ճամբարում եւս երկու հոգու: Ճամբարից նա փախուստի է դիմել մեքենայով: Հետո նա կրակոցներ է արձակել տեղի առեւտրի կենտրոնի մարդկանց: Իր գործողությունները նա հեռարձակել է ՖԲ էջում, որն արգելափակվել է: Թաիլանդի ոստիկանության ուժերը շրջափակել են առեւտրի կենտրոնը: Թաիլանդի վարչապետը իրավապահներին հրահանգել է առաջիկա ժամերի ընթացքում ամեն գնով ձերբակալել հանցագործին: Եւ քիչ առաջ տեղեկություն ստացվել, որ զոհվել է 15 մարդ, պատանդ է 20-ը: Փորձում են շենքից տարհանել վիրավորներին:
