![«Ժողովուրդ». Իսակով պողոտայում վթարի ենթարկված 99 համարի վարորդը խմած չի՞ եղել](https://auroranews.am/storage/img/base_image/old/69ddf17ba30e6ffe5815df85ad8879b4.webp)
«Ժողովուրդ». Իսակով պողոտայում վթարի ենթարկված 99 համարի վարորդը խմած չի՞ եղել
![«Ժողովուրդ». Իսակով պողոտայում վթարի ենթարկված 99 համարի վարորդը խմած չի՞ եղել](https://auroranews.am/storage/img/base_image/old/69ddf17ba30e6ffe5815df85ad8879b4.webp)
«Ժողովուրդ» թերթը գրում է․ «Փետրվարի 5-ի առավոտյան Իսակով պողոտայում վթարի ենթարկված 99 համարի երթուղայինի վարորդը հարբած չի եղել: Ինչպես հայտնի է, այդ օրը՝ վթարից հետո, Երեւանի քաղաքապետի մամուլի խոսնակ Հակոբ Կարապետյանը շտապեց հայտարարություն տարածել, թե 99 երթուղու վարորդը հարբած վիճակում վթարի է ենթարկվել Իսակով պողոտայում, առավոտյան «դիսպետչերական» կետում պարտադիր գրանցում չի անցել:
Հիվանդանոցում, սակայն, պարզվել է, որ վարորդի արտաշնչած օդի մեջ առկա է եղել 0,091 մգ ալկոհոլ: Իսկ ՀՀ վարչական իրավախախտումների մասին օրենսգրքի 126-րդ հոդվածը սահմանում է. «Անձը համարվում է ոչ սթափ վիճակում գտնվող, եթե ստուգմամբ պարզվում է, որ նրա մեկ լիտր արյան մեջ մաքուր ալկոհոլի պարունակությունը 0.8 գրամից կամ մեկ լիտր արտաշնչած օդի մեջ 0.4 միլիգրամից ավելի է»:
Իսկ ինչո՞ւ էր ստում Երեւանի քաղաքապետի մամուլի խոսնակը: Իհարկե, չի բացառվում, որ նա այս հարցում իր առաքելությունն է ունեցել՝ փրկելով քաղաքապետ Մարությանի, տրանսպորտի վարչության ԺՊ Էդգար Գալստյանի եւ ողջ վարչության դեմքը:
Այնուամենայնիվ, օրաթերթը երեկ եղավ N35 «դիսպետչերական» կետում, որտեղ վարորդը պետք է ուղեգիրը ներկայացներ: Ենթակարգավար Վարդեւան Ռեւազյանը թերթի հետ զրույցում նշեց. «Այո, վարորդը երեկ չի ներկայացել «դիսպետչերական» կետ ուղեգիրը «պեչատելու» համար: Սա առաջին դեպքն է՝ այդ վարորդի հետ կապված, երբեւէ խմած չի եկել աշխատանքի»:
Առավել մանրամասն՝ թերթի այսօրվա համարում