![Չինաստանում կորոնավիրուսի զոհերի թիվը հասել է 636-ի](https://auroranews.am/storage/img/base_image/old/924fb1bdf2a8bee32f644d7f9bdc7266.webp)
Չինաստանում կորոնավիրուսի զոհերի թիվը հասել է 636-ի
![Չինաստանում կորոնավիրուսի զոհերի թիվը հասել է 636-ի](https://auroranews.am/storage/img/base_image/old/924fb1bdf2a8bee32f644d7f9bdc7266.webp)
Չինաստանում կորոնավիրուսի զոհերի թիվը հասել է 636-ի, վարակված է ավելի քան 31 հազար մարդ: Այս մասին փետրվարի 7-ին հայտարարել է ՉԺՀ-ի հիգիենայի և առողջապահության պետական կոմիտեն:
«Փետրվարի 6-ի կեսգիշերվա դրությամբ, առողջապահության պետական կոմիտեն ստացել է 31 311 հաստատված նոր տեսակի կորոնավիրուսով առաջացած թոքաբորբի դեպք` 31 նահանգներից (թաղամասեր, կենտրոնական ենթակայության քաղաքներ): Նրանցից 4821-ը գտնվում է ծանր վիճակում, 636-ը մահացել է: 1540 մարդ դուրս է գրվել հիվանդանոցներից», - ասվում է հայտարարության մեջ:
Անցած 24 ժամվա ընթացքում Չինաստանում մահացել է 73 մարդ, հայտնաբերվել է հիվանդության 3100 նոր դեպք:
Հոնկոնգում հայտնաբերվել է 24 հաստատված դեպք (այդ թվում ՝ մեկ մարդ մահացել է), Մակաոյում ՝ 10, իսկ Թայվանում ՝ 16 կորոնավիրուսով վարակման դեպք: