«Պոբեդա»-ի ինքնաթիռը վատ եղանակի պատճառով Գյումրու փոխարեն վայրէջք է կատարել «Զվարթնոց» օդանավակայանում

ՀՀ Քաղաքացիական ավիացիայի կոմիտեն հայտարարություն է տարածել համաձայն որի «Պոբեդա» ավիաընկերության PBD 855 Մոսկվա - Գյումրի B737 ինքնաթիռը վատ եղանակի պատճառով Գյումրիի «Շիրակ» օդանավակայանում վայրէջք կատարելու փոխարեն ժամանել է պահուստային «Զվարթնոց» միջազգային օդանավակայան։

«Հարգելի քաղաքացիներ,

«Պոբեդա» ավիաընկերության PBD 855 Մոսկվա - Գյումրի B737 ինքնաթիռը վատ եղանակի պատճառով Գյումրիի «Շիրակ» օդանավակայանում վայրէջք կատարելու փոխարեն ժամանել է պահուստային «Զվարթնոց» միջազգային օդանավակայան։ Ինքնաթիռում եղել են 177 ուղևորներ, որոնց ավտոբուսով ըստ անհրաժեշտության կտեղափոխեն Գյումրի, իսկ այնտեղ գտնվող 184 ուղևորներին կտեղափոխեն «Զվարթնոց» միջազգային օդանավակայան։

PBD856 Երևան Մոսկվա թռիչքը տեղի կունենա ս.թ. փետրվարի 1֊ին՝ ժամը 04։00֊ին»: 

Auroranews.am-ի տեղեկություններով, ուղևորները այս պահին սպասում են ավտոբուսներին, որոնք նրանց կտեղափոխեն Գյումրի: