Զախարովան՝ ԼՂ հակամարտության և Հայաստանում գտնվող բիոլաբորատորիաների մասին
ԱԳՆ մամուլի քարտուղար Մարիա Զախարովան իր ճեպազրույցի ժամանակ մեկնաբանել է ԼՂ հակամարտության կարգավորման հարցով ՀՀ և Ադրբեջանի ԱԳ նախարարների՝ Ժնևում կայացած հանդիպումը: Այս մասին հայտնում է Rusarminfo-ն:
«Մենք ելնում ենք այն հանգամանքից, որ այսօր կընդունվի համատեղ հայտարարություն, որ կհրապարակվի ԵԱՀԿ կայքում: Ես կարծում եմ՝ չարժե կանխատեսումներով զբաղվել»,- ասել է նա:
Լրագրողները նաև հետաքրքրվել են՝ արդյո՞ք որոշված են ժամկետները՝ երբ են ռուս մասնագետները ներգրավվելու Հայաստանում ամերիկյան բիոլաբորատորիաների աշխատանքներին, որոնք այս օրերին այդքան արդիական են՝ կապված կորոնավիրուսի տարածման հետ: Զախարովան պատասխանել է, որ այդ մասին տեղեկություններ չունի, սակայն խոստացել է ճշտել:
