Ռոբերտ Քոչարյանի գրասենյակի ղեկավար Վիկտոր Սողոմոնյանը լրագրողների հետ զրույցում ասաց, որ երբ տեղեկություններն ամբողջացնեն ու պարզեն, որ միջադեպն իրենց է վերաբերում, հայտարարությամբ հանդես կգան։

««Էրեբունի պլազայում» բազմաթիվ գրասենյակներ կան։ Դրանցից մեկը Ռոբերտ Քոչարյանի գրասենյակն է, որը գտնվում է 6–րդ հարկում։ Երբ կլինի իրադարձությունների նկարագիր, և կկարողանանք պարզել, թե այս իրադարձությունը որքանով է առնչվում մեր գրասենյակին, հայտարարությամբ հանդես կգանք»,–ասաց նա` պատասխանելով այն հարցի, թե ականատեսներից մեկի խոսքով` կրակոց արձակողն առաջին հարկում հարցրել է Քոչարյանի գրասենյակի տեղը։

Անդրադառնալով անվտանգության խնդիրներին` Սողոմոնյանը նշեց, որ շուրջ 12 տարի է գրասենյակն այստեղ է գտնվում, ու որևէ խնդիր չի առաջացել։ Իսկ անվտանգության աշխատակիցները «Էրեբունի պլազային», Քոչարյանի գրասենյակն անվտանգության ծառայության հետ որևէ առնչություն չունի։Հիշեցնենք` ՀՀ ոստիկանությունը Երևանի «Էրեբունի պլազա» բիզնես–կենտրոնում հնչած կրակոցների մասին ահազանգը ստացել է հունվարի 23-ին՝ ժամը 14:43-ին։