Իրանում սպանվել Է «Բասիջ» աշխարհազորի հրամանատարը
Իրանի հարավ-արեւելքի Խուզեստանի նահանգում հունվարի 22-ին սպանվել Է «Բասիջ» ժողովրդական աշխարհազորի հրամանատարը: Այդ մասին հայտնել Է Երիտասարդ լրագրողների ակումբ գործակալությունը, տեղեկացնում Է «Արմենպրես»-ը:
Նշվում Է, որ զոհվածը Աբդոլհոսեյն Մոջդամին Է, որն զբաղեցնում Էր Շադեղանի շրջանի Դարհովին օկրուգի «Բասիջ»-ի ղեկավարի պաշտոնը: Զինվորականն անհայտ զինյալների կողմից առավոտյան գնդակահարվել Է իր տան մոտ: Տեղի իշխանությունները հայտնել են պատահարից մի քանի ժամ անց հանցագործների ձերբակալման մասին:
«Բասիջ» ժողովրդական աշխարհազորը կամավորների կիսառազմականացված կազմակերպություն Է, որի անդամները հսկողություն են իրականացնում օրենքի եւ կրոնական նորմերի կատարման նկատմամբ: Աշխարհազորը մտնում Է Իսլամական հեղափոխության պահապանների կորպուսի կազմի մեջ: Ըստ մոտավոր գնահատումների, «Բասիջ»-ի թվաքանակը հասնում Է 3-4 միլիոնի, հաղորդել Է ՏԱՍՍ-ը:
