Ոստիկանները իրականացրել են «Կրակոցներով մի՛ փորձիր ինքնահաստատվել» օպերացիան

Երեկ՝ դեկտեմբերի 26-ին, ոստիկանության Վաղարշապատի բաժնի համայնքային ոստիկանության բաժանմունքի ծառայողները ստացված օպերատիվ տվյալներն իրացնելով, Էջմիածին քաղաքի Վազգեն 1-ին փողոցից խուլիգանություն կատարելու կասկածանքով ոստիկանության Վաղարշապատի բաժին են բերման ենթարկել մի քաղաքացու: Ինչպես հայտնում է shamshyan.com-ը, պարզվել է, որ տեղեկությունները եղել են հավաստի և այդ քաղաքացին Պտղունք գյուղի բնակիչ, 37-ամյա Սարգիս Գրիգորյանն է, ով ժամը 21:20-ի սահմաններում Վազգեն 1-ին փողոցի թիվ 12/ա շենքի բակում իրեն պատկանող BMW մակնիշի 34 XՍ 448 համարանիշի ավտոմեքենայի միջից անկանոն կրակոցներ է արձակել: 

Գ. Շամշյանի տեղեկություններով՝ Վաղարշապատի ոստիկանները ոչ միայն հայտնաբերել են կրակողին, այլև նրան պատկանող գազային ատրճանակը և BMW մակնիշի ավտոմեքենան, իսկ օպերացիան կրել է «Զինանոց. Համալիր կանխարգելիչ միջոցառման» շրջանակում՝ «Կրակոցներով մի՛ փորձիր ինքնահաստատվել» անվանումը: