Վարչապետը խոստացավ անձամբ վերահսկել գործի նախաքննությունը. զոհված զինծառայողի հայր

Զոհված զինծառայողի հարազատները արդեն մի քանի ժամ է բողոքի ակցիա էին իրականացնում Կառավարության դիմաց եւ պահանջում էին հանդիպում վարչապետ Նիկոլ Փաշինյանի հետ:

Արթուր Աջամյանի հարազատները փակել էին Տիգրան Մեծի պողոտան: Իրավիճակը շարունակվում էր լարված մնալ: Նրանք նշում էին, որ ճանապարհը չեն բացի այնքան ժամանակ՝ մինչեւ Նիկոլ  Փաշինյանը չհանդիպի իրենց հետ:

Փաշինյանն ընդունեց բանակում զոհված զինծառայող Արթուր Աջամյանի հարազատներին: Նա ցավակցեց զինվորի մահվան կապակցությամբ: Արթուրի պապիկը պատմեց՝ նրա ծնողները վաղուց ամուսնալուծված են եղել, նա ապրել է մոր հետ: Չափահաս դառնալով՝ եկել է պապի մոտ, ասել՝ ուզում է գնալ, ծառայել, թեպետ որևէ ցուցակում չկար:

Հանդիպան ժամանակ վարչապետը քաղաքացիներին խոստացավ  անձամբ վերահսկել գործի քննության ընթացքը և անգամ գործի քննությունից տրամադրել այնպիսի փաստեր, որոնք կպահվեն գաղտի: 

Աջամյանի հայրը Փաշինյանի հետ զրույցում խնդրեց փոխադարձ օգնություն:

«Հեղափոխության ժամանակ ես օրերով մնացել եմ այստեղ, որ դուք դառնաք մեր պաշտպանը և հիմա պահանջում եմ պաշտպանել ինձ  և բացահայտել դեպքը»,- ասաց է Աջամյանի հայրը:

Փաշինյանը հանձնարարեց տեղեկանք կազմել նախաքննության գաղտնիք չհանդիսացող տվյալների մասին՝ հարազատների համար, այնպիսի տեղեկանք, որ փոխանցեն հարազատներին:

«Ես ուզում եմ պաշտոնապես ներողություն խնդրել, որ չենք կարողացել դեռ ձեր բարձրացրած խնդիրները լուծել, որ էսօր էս իրավիճակի առաջ չկանգնենք: Էս պահին էսքանը կարող եմ ասել»,- նշեց նա:

«Վարչապետը խնդրել է սպասել նախաքննության ավարտին: Մենք գոհ ենք վարչապետի վերաբերմունքից չնայած նրան, որ տեղյակ չենք պահել այստեղ կատարաված միջադեպի մասին, անգամ չենք պատմել, որ կոտրել են մեր տղայի նկարը»,- հանդիպումից հետո լրագրողների հետ զրույցում ասաց Աջամյանի հայրը: