Նիկոլայը Վլադիմիր Վլադիմիրովիչի ընկերն է, նա իմ ընկերը չէ. Լուկաշենկո
Բելառուսի նախագահ Ալեքսանդր Լուկաշենկոն պատմել է, որ իր կրտսեր որդին՝ Նիկոլայը հաճախ է որպես օրինակ խոսում ՌԴ նախագահ Վլադիմիր Պուտինի մասին:
«Նիկոլայը Վլադիմիր Վլադիմիրովիչի ընկերն է, նա իմ ընկերը չէ, նա հաճախ է ասում.« Տես, թե ինչպես պետք է վարվի նախագահը: Ահա, տես, թե ինչպես է վարվում Վլադիմիր Վլադիմիրովիչը»,- ասել է Լուկաշենկոն «Էխո Մոսկվի» ռադիոկայանին տված հարցազրույցում: Լուկաշենկոն պատմել է, որ Սոչիում կայացած հանդիպումից հետո, երբ պատրաստվում էին հոկեյ խաղալ, Նիկոլայը հրաժարվել է հանդես գալ իր հոր թիմում և ցանկություն է հայտնել խաղալ Պուտինի թիմում:
