Հրդեհ Ասկերանում. այրվել է երկհարկանի բնակելի տուն

Դեկտեմբերի 24-ին, ժամը 13:55-ին Ասկերանի շրջանի արտակարգ իրավիճակների բաժնից ճգնաժամային կառավարման կենտրոն ահազանգ է ստացվել, որ ժամը 13:54-ին Ասկերանի շրջանի արտակարգ իրավիճակների բաժնի Սարուշենի հրշեջ-փրկարար ջոկի մարտական հաշվարկը ահազանգով մեկնել է Ասկերանի շրջանի Ավետարանոց համայնք՝ բռնկված հրդեհը մարելու նպատակով: Այնուհետև ժամը 13:58-ին օգնության է մեկնել ԱԻՊԾ փրկարար ուժերի վարչության հրշեջ-փրկարար մասի ևս մեկ մարտական հաշվարկ:

Հրդեհը լիամարվել ժամը 17:55-ին: Հայտնում են ԱՀ Արտակարգ իրավիճակների պետական ծառայությունից։

Նախնական տվյալներով այրվել է երկհարկանի բնակելի տուն՝ մասնակի: Հրդեհի բռնկման և պատճառած վնասի չափը ճշտվում է: Կատարվում է հետաքննություն: