Բնակչության մոտ ապօրինի պահվող զենք-զինամթերքի հայտնաբերման ուղղությամբ ոստիկանության պայքարն ամենօրյա է։ Զենքերի հայտնաբերումից և առգրավումից բացի բացատրական աշխատանք է տարվում, ինչը ևս արդյունավետ է։

Ոստիկանության Արմավիրի բաժնում արձանագրվել է «ՍՎՏ» տիպի հրազենի հանձնման դեպք։ 

Հրազենը ինքնաձիգի փամփուշտի և փամփուշտների համար նախատեսված շղթայի հետ բաժին է բերել Արմավիր քաղաքի բնակիչներից մեկը՝ բաժնի անչափահասների գործերով ծառայողների բացատրական աշխատանքի շնորհիվ։ Նշանակվել է դատաձգաբանական փորձաքննություն։

Օպերատիվ-հետախուզական միջոցառումներն ու բացատրական աշխատանքը շարունակվում են։