Գյումրիում ոստիկանները բացահայտել են բնակարանային գողության դեպքը
Նոյեմբերի 7-ին, ժամը 15.10-ին, ոստիկանության Մուշի բաժնում հաղորդում էր ստացվել, որ հոկտեմբերի 15-ից նոյեմբերի 7-ն ընկած ժամանակահատվածում բացել են Շինարարների 1-ին նրբանցքի տներից մեկի ննջասենյակի պատուհանն ու գողացել սպասք, համակարգիչ և այլ կենցաղային իրեր:
Ոստիկանության Գյումրի քաղաքի Մուշի բաժնի քրեական հետախուզության բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ դեկտեմբերի 19-ին, ժամը 20.30-ին, բաժին է հրավիրվել Գյումրի քաղաքի չորս բնակիչ, որոնք խոստովանական բացատրություն են տվել, որ գողությունն իրենք են կատարել:
Գողոնը վերցվել է:
Կատարվում է նախաքննություն:
