«Թմրանյութ՝ Գյումրվա քյալլայի մեջ». Արթուր Գոյունյանը մանրամասներ է ներկայացրել

«12 ՔԿՀ-ներից 2-ում օպերատիվ ստորաբաժանումների միջոցառումների արդյունքում ձերբակալվել է 2 աշխատակից՝ մեկը Արմավիրի ՔԿՀ-ի պահպանության բաժնի, մյուսը Նուբարաշենի ՔԿՀ-ի աշխատակից»,- այս մասին դեկտեմբերի 20-ին լրագրողների հետ հանդիպմանն ասաց ՀՀ արդարադատության նախարարության ՔԿ ծառայության պետ Արթուր Գոյունյանը:

Ըստ նրա՝ Արմավիրի և Նուբարաշենի ՔԿՀ-ների աշխատակիցները մեծ քանակությամբ թմրամիջոց են մտցրել շենք:

Բազմաթիվ հանցագործություններ բացահայտվել են ՔԿՀ-ների աշխատակիցների աչալրջության շնորհիվ:

«Եվ բացահայտվածներն էլ ամենևին «մանր ձկներ չեն, ինչպես երբեմն ասում են, լավ էլ մեծ ձկներ են: Հենց երեկվա դեպքն այդպիսին էր: Նախկինում ունեցել ենք զավեշտալի դեպքեր՝ արգելված իրերի ներթափանցման, նույնիսկ աղավնիներով, դրոններով էին փորձել թմրամիջոցներ հասցնել դատապարտյալներին, նույնիսկ Գյումրվա քյալլայի մեջ թմրամիջոց էին թաքցրել և որպես հանձնուք ներկայացրել էին։ Նմանատիպ դեպքերը նույնպես բացառվել են»,- հայտարարեց ՔԿ ծառայության պետը: