ՏԵՍԱՆՅՈՒԹ. 24-ամյա երիտասարդը բերման է ենթարկվել թմրամիջոց պահելու կասկածանքով
Դեկտեմբերի 19-ին, ժամը 1-ի սահմաններում, քրեական հետախույզները ստացված տեղեկություններն իրացնելով, թմրամիջոց պահելու կասկածանքով, Վանաձորի Տիգրան Մեծի փողոցից իր «ՎԱԶ-2103» մակնիշի մեքենայով բերման են ենթարկել Օձուն գյուղի 24-ամյա մի բնակչի: Այս մասին տեղեկացնում է ՀՀ ոստիկանությունը:
Մեքենայից, նաև կասկածվողի անձնական խուզարկությամբ, հայտնաբերվել է ապակե գլանակ և երկու փաթեթ յուրահատուկ հոտով, դեղնականաչավուն, չորացված մանրացված զանգված: Հայտնաբերված բուսական զանգվածն ուղարկվել է փորձաքննության:
Հանգամանքները պարզվում են: Փաստի առթիվ նախապատրաստվում են նյութեր:
