Հիվանդանոցում մահացել է Մոսկվայում հրաձգության հետևանքով ծանր վիրավորված իրավապահ համակարգի մյուս ծառայողը
Ինչպես արդեն հայտնել ենք, երեկ Մոսկվայի կենտրոնում՝ Ռուսաստանի անվտանգության դաշնային ծառայության շենքի մոտ, հրաձգություն է տեղի ունեցել: Russia Today-ի հաղորդմամբ՝ 3 անձ Կալաշնիկով ինքնաձիգներով կրակ են բացել շենքի ընդունարանում: Արդյունքում նրանցից 2-ը սպանվել է, երրորդը դուրս է եկել փողոց՝ շարունակելով կրակել:
Հրաձգության հետևանքով 2 իրավապահ ծանր վիրավորում էր ստացել: Մեկը տեղում մահացել էր: Այսօր հայտնի դարձավ, որ հիվանդանոցում մահացել է ծանր վիրավորում ստացած մյուս ծառայողը: Ռուսական լրատվամիջոցները փոխանցում են, որ հրաձգության հետևանքով ընդհանուր առմամբ 5 մարդ է վիրավորվել, որից մեկը քաղաքացիական անձ:
