Դանակահարել են Վրաստանի նախկին նախագահի որդուն
Թբիլիսիի կենտրոնական թաղամասում անհայտ անձինք դանակահարել են Վրաստանի նախկին նախագահ Զվիադ Գամսախուրդիայի որդուն:
«Ռուսթավի 2» հեռուստաալիքը հաղորդում է, որ Գամսախուրդիային դանակի մի քանի հարված են հասցրել կրծքավանդակի շրջանում: Նրա վիճակը ծանր է:
Նշվում է, որ քրեական գործ է հարուցվել «կանխամտածված սպանության փորձ» հոդվածով, որով նախատեսվում է մինչև 15 տարվա ժամկետով ազատազրկում:
