Անչափահաս տղայի վարած մեքենան գլորվել է ձորը. տեղում են փրկարարները

Դեկտեմբերի 20-ին, ժամը 13։59-ին «911» ծառայություն ահազանգ է ստացվել, որ ս. թ. դեկտեմբերի 19-ին Վայոց ձորի մարզի Խաչիկ գյուղի «Շեկ Աղբյուր» կոչվող հանդամասի մոտակայքում ավտոմեքենան սահել է ձորը. դուրս բերելու համար անհրաժեշտ է փրկարարների օգնությունը:

Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը և  մեկ մարտական հաշվարկ:

Փրկարարները «Nissan Skyline» մակնիշի ավտոմեքենան (վարորդ՝ Հայկ Հ., ծնված 2003 թ.) դուրս են բերել ավտոճանապարհի երթևեկելի հատված: