Ներքին Շենգավիթի տներից մեկի հյուրասենյակում փրկարարները տղամարդու դի են հայտնաբերել
Դեկտեմբերի 19-ին, ժամը 13:31-ին «911» ծառայություն ահազանգ է ստացվել, որ Երևանի Ներքին Շենգավիթ 11 փողոցի տներից մեկի բնակիչը չի արձագանքում հեռախոսազանգերին և դռան թակոցներին. դուռը բացելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Փրկարարները բացել են տան դուռը, հյուրասենյակում՝ անկողնում, հայտնաբերել Արմեն Շ.-ի (ծնված 1971 թ) դին:
