Հրազդանում քրեական անցյալ ունեցող տղամարդուն մահացած են գտել
Հրազդան քաղաքի շենքերից մեկի իր բնակարանում հայտնաբերվել է մոտ 50 տարեկան տղամարդու դի։ Նախնական վարկածով` նրան սպանել են։
Շտապօգնության խումբը կանչով մեկնել է նրա բնակարան և արձանագրել, որ տղամարդը մահացած է։ Նրա մարմնին վնասվածքներ են եղել։
Sputnik Արմենիայի տեղեկություններով սպանվածը քրեական անցյալ ուներ։ Նա ինչ-ինչ պատճառներով մենակ էր ապրում։
Այսօր հարևաններից մեկն է տեսել, որ նրա տան դուռը բաց է, մտել է ներս ու հայտնաբերել տղամարդու արնաշաղախ դին։ Իրավապահներին արդեն հայտնի են կատարվածի մանրամասները։
