Նյու Դելիում ցուցարարների ու ոստիկանների միջև բախումներ են եղել. գործի է դրվել մահակներ ու արցունքաբեր գազ

Հնդկաստանի մայրաքաղաքի իշխանությունները դեկտեմբերի 18-ին արգելել են բոլոր բազմամարդ միջոցառումները Նյու Դելիի հյուսիսարեւելյան շրջանում, որտեղ նախօրյակին զանգվածային անկարգություններ ու բողոքներ են եղել Հնդկաստանի քաղաքացիության մասին օրենքի նոր խմբագրման դեմ: Ինչպես հայտնել Է NDTV հեռուստաալիքը, այդ միջոցն ընդունվել Է հնարավոր նոր ելույթները կանխելու նպատակով, հաղորդում է ՏԱՍՍ-ը:

Անվտանգության խստացված միջոցներ են ձեռնարկված նաեւ քաղաքի այլ շրջաններում: Ոստիկանության ուժեղացված կարգախմբերը հերթապահում են խաչմերուկներում եւ հրապարակներում: Դեկտեմբերի 17-ին մոտավորապես երկու հազար բողոքողներից բաղկացած բազմությունը ոստիկանության հետ բախումներ Է սկսել Նյու Դելիի Սիլամպուր հյուսիսարեւելյան շրջանում: Բողոքավորները փորձել են անցնել քաղաքի կենտրոն, բայց նրանց կանգնեցրել են ոստիկանները: Ակցիայի մասնակիցներն սկսել են քարեր ու փայտեր նետել իրավապահների վրա, ի պատասխան ոստիկանությունը գործի Է դրել մահակներ ու արցունքաբեր գազ: