Շոուբիզնեսի ներկայացուցիչների հայտարարագրեր չներկայացնելու փաստով քրգործեր են հարուցվել. Հովհաննիսյան
Շոու բիզնեսի բազմաթիվ ներկայացուցիչներ ներկայացրել են հայտարարագրեր եւ կատարել են հարկային պարտավորությունները, կան նաեւ այնպիսիք, ովքեր չեն կատարել եւ այդ փաստով քրեական գործեր են հարուցվել։
Այս մասին այսօր մամուլի ասուլիսի ժամանակ հայտարարեց ՀՀ պետական եկամուտների կոմիտեի նախագահի տեղակալ Էդվարդ Հովհաննիսյանը՝ հավելելով, որ քրեական գործերը նախաքննության փուլում են:
Նա նշեց, որ շոուբիզնեսի մոտ 10 ներկայացուցիչներ ներկայացրել են հայտարարագրեր։ Հիշեցնենք, որ դեռեւս նախորդ տարվա դեկտեմբերից ՊԵԿ-ը հայտարարել էր, որ շոուբիզնեսի ներկայացուցիչները պետք է ներկայացնեն իրենց հայտարարագրերը եւ հարկեր վճարեն: Դրանից հետո հայտնի դարձավ, որ հայտարարագիր են ներկայացրել՝ Արամեն, Ռազմիկ Ամյանը, Մարտին Մկրտչյանը, Թաթան, Իվետա Մուկուչյանը, Արման Հովհաննիսյանը, Արսեն Սաֆարյանը, Սիլվա Հակոբյանը:
