«Զվարթնոց» օդանավակայանի տարածքում հունվարի 15-ից կթանկանա ավտոկայանատեղիի արժեքը. SputnikԱրմենիա
«Զվարթնոց» օդանավակայանի տարածքում ավտոկայանատեղիի արժեքը մասնակի կվերանայվի։
Ներկայումս կայանատեղիի մեկ ժամը 500 դրամ է, ընդ որում` առաջին 10 րոպեն անվճար։ Եթե մեքենան կայանի մեկ օր կամ ավելի (սակայն 5 օրից ոչ ավել), ապա օրական վճարը կկազմի 2 հազար դրամ։ 5-ից 30 օր կայանելու դեպքում պետք է վճարել 10 հազար դրամ։
Գործող համակարգով, կայանատեղիի համար վճարում են օդանավակայանից դուրս գալիս, դրամարկղերում, որոնց կողքին ուղեփակոցներ են տեղադրված։ Այժմ օդանավակայանի ղեկավարությունը որոշել է օդանավակայանի ելքի վրա դրամարկղերի մոտ խցանումներից ազատվելու տարբերակ գտնել։
Դա է պատճառը, որ այն ավտոսեփականատերերը, որոնք կայանատեղիի համար վճարում են դրամարկղում, հունվարի 15-ից ավելի շատ կվճարեն։ Կայանման մեկ ժամը կարժենա 800 դրամ, մեկ օրվա համար ստիպված կլինեն վճարել 3000 դրամ (մինչև 5 օր)։ 5-ից 30 օրվա համար կայանատեղին կարժենա 15 հազար դրամ։
Ինչպես Sputnik Արմենիային հայտնեց «Զվարթնոցի» մամուլի քարտուղար Սաթենիկ Հովհաննիսյանը, տվյալ սակագները ուժի մեջ կմտնեն 2020 թվականի հունվարի 15-ից։ Սակայն գործող սակագները կպահպանվեն նաև նրանց համար, որոնք վճարումները կիրականացնեն օդանավակայանի ներսում տեղադրված տերմինալների միջոցով։ Այդ դեպքում դուրս գալիս միայն անհրաժեշտ կլինի ներկայացնել վճարման կտրոնը։
Մանրամասնեը՝ սկզբնաղբյուր կայքում
