Գյումրիի գլխավոր տոնածառի լույսերը կվառվեն դեկտեմբերի 20-ին
Դեկտեմբերի 20-ին` ժամը 19:00-ին, Գյումրիի կենտրոնական հրապարակում կվառվեն քաղաքի գլխավոր տոնածառի լույսերը: Այդ մասին հայտնում են Գյումրիի քաղաքապետարանից:
Սիրելի գյումրեցիներ,
Դեկտեմբերի 20-ին, ժամը՝ 19:00-ին հրավիրում ենք բոլորին Գյումրու կենտրոնական հրապարակ` միասին վառելու քաղաքի գլխավոր տոնածառի լույսերը:
Մինչ լույսերի վառման արարողությունը, «Անի» փողային նվագախմբի ուղեկցությամբ տասնյակ ձմեռ պապիկներ Աբովյան փողոցից երթով կշարժվեն դեպի Կենտրոնական հրապարակ:
Սպասվում են բազմաթիվ գեղեցիկ անակնկալներ և շքեղ հրավառություն:
