Իշխանության կազմում անցյալից մնացած այլ կառույցներ ու անձինք էլ կան. Տոնոյան
ՀՀ ԱԺ «Բարգավաճ Հայաստան» խմբակցության անդամ Իվետա Տոնոյանը ԱԺ ճեպազրույցում նշեց, որ Հրայր Թովմասյանն ու ՍԴ մյուս անդամները չեն հանդիսանում իրենց կուռքը. «Ի՞նչ եք կարծում՝ «Բարգավաճ Հայաստան»-ը պետք է կո՞ղմ քվեարկեր, որ իրենց գործառույթները չիրականացնելու համար այդքան գումար ստանան»:
Նա անընդունելի է համարում, որ հանրության վստահությունը չվայելող դատավորներին, իր ձևակերպմամբ, փառավոր թոշակի են ուղարկում: Ըստ պատգամավորի՝ դա արվում է ՍԴ-ն «հլու-հնազանդ» դատավորներով համալրելու նպատակով: Նա նկատում է նաև.
«Հետևողականորեն նշվում է, որ ՍԴ-ն անցյալից է մնացել, բայց անցյալից մնացած այլ կառույցներ ու պաշտոնական անձինք էլ կան, ովքեր այսօր իշխանության կազմում են»:
Իսկ որևէ նախաձեռնությամբ հանդես չգալու մասին հարցին պատասխանեց՝ ասելով, որ ըստ նպատակահարմարության՝ անդրադառնում են այս կամ այն խնդրին:
