ՏԵՍԱՆՅՈՒԹ․ 250 քաղաքացու տարահանել են․ հրդեհ Կադաստրի կոմիտեի գրասենյակում
Auroranews-ը ահազանգ է ստացել, որ Կադաստրի կոմիտեի «Արաբկիր» սպասարկման գրասենյակ արտակարգ իրավիճակ է։ Մեզ զանգահարած քաղաքացիները նշում են, որ տեղում են ԱԻՆ, շտապօգնության աշխատակիցները։
ԱԻՆ-ից էլ տեղեկացնում են, որժամը 11:02-ին «911» ծառայություն ահազանգ է ստացվել, որ հրդեհ է բռնկվել Երևանի Կոմիտասի պողոտայի 35/2 շենքի 1-ին հարկում:
Հրդեհի բարդության «1-ԲԻՍ» կանչով դեպքի վայր է մեկնել ԱԻՆ ՓԾ հրշեջ-փրկարարական ջոկատներից չորս մարտական հաշվարկ:
Պարզվել է, որ հրդեհը բռնկվել է Կադաստրի կոմիտեի անշարժ գույքի գրանցման միասնական ստորաբաժանման շենքում:
Հրդեհը մարվել է քաղաքացիների ուժերով: Կոմունիկացիոն հորանում այրվել է 1 քմ աղբ, ջերմահարվել՝ 50 սմ էլեկտրական մալուխ և 1 դուռ:
Փրկարարները տարահանել են 250 քաղաքացու. տուժածներ չկան:
