«Ռեստարտ» ուսանողական նախաձեռնության անդամ Դավիթ Պետրոսյանը ֆեյսբուքյան իր էջում գրել է․ «Նկարում պատկերված մարդիկ, մարտի 4-ի դեպքի ժամանակ, մինչ մեր գործողությունը արդեն տարածքում էին ու նկարում էին' կինը հատուկ տեսանկարհանող սարքով, երբ տեսնում է, որ շենքի կամերան իրան նկարում է, փորձում է դեմքը կոծկել:
Տարածքում եղած քրեականի աշխատողների հետ կապված առանձին կգրեմ: Այս պահին կարևոր է այս կնոջ ու տղամարդու ինքնության պարզումը:
Ասեմ, որ իրենք սկսել են նկարել մինչ դեպքի տեղի ունենալը:

Քանի որ ԱԱԾ-ն ու ոստիկանությունը հանցավոր անգործության են մատնված, այդ մարդկանց գտնելու այս տարբերակն է մնում:

Իսկ եթե ԱԱԾ-ն ու ոստիկանությունը շարունակեն ջայլամի քաղաքականությունը, լուրջ կասկածներ ունեմ, որ գիտեն ու չեն խոսում»:

Հիշեցնենք՝ այս տարվա մարտի 4-ին, միջադեպ էր տեղի ունեցել հասարակական գործիչ, նախկին ոստիկանապետի խորհրդական Նարեկ Մալյանի և «Ռեստարտ» ուսանողական-քաղաքացիական նախաձեռնության անդամների միջև, որի հետևանքով Մալյանը հայտնվել էր աղբամանում։