Երեք մեքենայի մասնակցությամբ խոշոր վթար Կոտայքում. կան վիրավորներ

Այսօր Կոտայքի մարզում ավտովթար է տեղի ունեցել. ժամը 01:10-ի սահմաններում Երևան-Սևան ավտոճանապարհի 47-րդ կմ հատվածում բախվել են Երևանի բնակիչ, 47-ամյա Էդուարդ Ռոստոմյանի վարած Opel մակնիշի 47 AR 001 համարանիշի, Հրազդան քաղաքի բնակիչ, 40-ամյա Արսեն Միրզախանյանի վարած Opel մակնիշի 35 AՍ 408 համարանիշի և Երևանի բնակիչ, 38-ամյա Մանուկ Հովհաննիսյանի վարած Toyota մակնիշի 17 PZ 017 համարանիշի ավտոմեքենաները:

Shamshyan.com-ի հաղորդմամբ՝ վթարի հետևանքով Ա. Միրզախանյանի ուղևորներ, Հրազդան քաղաքի բնակիչներ, 25-ամյա Լուսինե Վարդանյանը, 62-ամյա Ալվարդ Մանուկյանը տեղափոխվել են «Հրազդան» բժշկական կենտրոն, իսկ Toyota-ի վարորդ Մ. Հովհաննիսյանը՝ Միքայելյան վիրաբուժական ինստիտուտ: