Նախկին նախարար ինչպե՞ս պետք է ենթարկվի Տոնոյանին․ ՊՆ-ում շունչները պահած սպասում են․ ArmDaily.am
Երեկ, ինչպես հայտնի է, գեներալ-գնդապետ Մովսես Հակոբյանը նշանակվել է ՊՆ ռազմական վերահսկողական ծառայության պետ։ Կամո Քոչունցը նշանակվել է ՊՆ ռազմական վերահսկողական ծառայության պետի տեղակալ, իսկ գնդապետ Վաչագան Ներսեսյանը՝ ՊՆ ռազմական վերահսկողական ծառայության գլխավոր տեսուչ։
ArmDaily.am-ի տեղեկություններով՝ ՊՆ-ում այժմ զբաղված են Մովսես Հակոբյանի եւ նրա աշխատակիցների համար աշխատասենյակ առանձնացնելով։ Խոսքը ոչ միայն երեք հոգու մասին է, այլ մոտ 10 հոգու։ Ռազմական տեսուչի պաշտոնում Մովսես Հակոբյանը ուներ փոքրիկ աշխատակազմ։
Ըստ լրատվականի՝ այժմ ՊՆ-ում շունչները պահած սպասում են, թե ինչպես են միմյանց հետ հարաբերվելու գեներալ-գնդապետ Մովսես Հակոբյանն եւ ՊՆ նախարար, պահեստազորի գնդապետ Դավիթ Տոնոյանը։
Նրանց հարաբերությունները ջերմ չեմ, բայց առանձնակի լարված էլ չեն։ Սակայն այժմ իրավիճակ է փոխվել՝ նախկին նախարար Մովսես Հակոբյանը ինչպես պետք է ենթարկվի Տոնոյանին։
